新聞類別
港聞
詳情#
【明報專訊】政界有唔少曼聯球迷,張文光就係其中嘅表表者。對於曼聯靈魂領隊費格遜宣布今季後退休,張文感慨之餘亦有啲傷感,事關打從佢20幾年前成為曼聯迷起,費格遜已經帶領緊曼聯,張文直言,好難想像有朝一日帶領曼聯入場嘅唔係費格遜咁話。
大讚贏波有道
費格遜前晚最後一次帶領曼聯喺主場奧脫福球場比賽,張文話,當日見到有球迷高舉「thanks for the memory」橫額多謝費爵爺,佢自己亦有同樣感覺。張文大讚費格遜過去20幾年,無論曼聯經歷起起跌跌,總有辦法帶領隊波追尋勝利;而費爵爺同球迷之間嘅關係亦非常緊密,難怪咁多曼聯迷唔捨得佢。
繼續遊世界 下一站印度
冇做議員嘅張文,繼續佢嘅環遊世界大計,早前先後遊歷荷蘭、愛沙尼亞同英國,當然亦有喺當地睇波啦,可惜佢睇嗰場曼聯賽事,紅魔不敵同市嘅曼城。
櫈都未坐暖,張文下一站將轉戰印度,睇嚟唔少立法會舊同事會相當羨慕佢嘅退休生活喇。
大讚贏波有道
費格遜前晚最後一次帶領曼聯喺主場奧脫福球場比賽,張文話,當日見到有球迷高舉「thanks for the memory」橫額多謝費爵爺,佢自己亦有同樣感覺。張文大讚費格遜過去20幾年,無論曼聯經歷起起跌跌,總有辦法帶領隊波追尋勝利;而費爵爺同球迷之間嘅關係亦非常緊密,難怪咁多曼聯迷唔捨得佢。
繼續遊世界 下一站印度
冇做議員嘅張文,繼續佢嘅環遊世界大計,早前先後遊歷荷蘭、愛沙尼亞同英國,當然亦有喺當地睇波啦,可惜佢睇嗰場曼聯賽事,紅魔不敵同市嘅曼城。
櫈都未坐暖,張文下一站將轉戰印度,睇嚟唔少立法會舊同事會相當羨慕佢嘅退休生活喇。
留言 (0)