肥胡梁栢賢做「超能先生」

【明報專訊】醫管局噚日起一連兩日舉行研討大會，主席胡定旭同行政總裁梁栢賢嘅出場方式就夠晒鬼馬，因為佢哋致辭時，特別放咗張海報相，兩人化身迪士尼動畫《超人特攻隊》（The Incredibles）入面嘅角色「超能先生」，睇真少少，一向好有「福態」嘅胡主席，經美術加工後竟然fit咗唔少。「超能先生」扮相係寓意肩負重任，帶領醫管局迎接挑戰，唔知醫管局員工見到兩個高層「犧牲色相」，覺得「驚喜」定「驚嚇」呢？


胡主席呼籲各方人士為港人福祉放低歧見，為整體社會利益設想，仲希望大家支持增加醫生人手供應，佢又將徐小鳳名曲《順流逆流》歌詞譯成英文朗讀出嚟，鼓勵醫護逆流而上。