霍建寧妻曾患乳癌 感激夫支持

【明報專訊】以魔鬼身材見稱嘅美國女星安祖蓮娜祖莉切除雙乳預防乳癌，成為城中熱話，安祖蓮娜未婚夫畢彼特對佢一直支持同不離不棄。其實，和黃董事總經理霍建寧對曾患乳癌嘅太太霍何綺華（圖）同樣愛護有加。


霍太係乳癌基金會主席，佢噚日出席基金會活動時話，霍生平日四處飛，但10年前知道佢患乳癌時，即時停晒所有會議，飛返香港日日陪住佢，令佢好感動，話丈夫嘅支持對女士好重要。


已叮囑囡囡做檢查

霍太話，家好注重身體健康，已叮囑3個囡囡做乳癌檢查，但就話老公同囝囝咁忙，唔知佢哋有冇做身體檢查喇。