沈旭暉年尾小登科

【明報專訊】有「學界chok王」之稱嘅中文大學社會科學院副教授沈旭暉，日前喺社交網站facebook上載同女朋友Bonnie嘅甜蜜照，宣布二人會喺12月拉埋天窗。呢件事旋即成為網上熱話，短短6分鐘內就取得1000個like，更被網民形容為「世紀喜事」。


沈教授向來專注研究國際關係，不時喺fb同網友分享各國嘅得意事，所以佢一公布喜訊，唔少網民即時開盤，估佢同Bonnie會去邊個冷門國家度蜜月，有人甚至估去瓦努阿圖、朝鮮或者直布羅陀等地，唔知準沈太又有冇興趣呢？