六合彩頭獎只得106萬

【明報專訊】最新一期六合彩噚晚揭盅，頭獎有7.5注中，結果每注只獲派約106萬元，令市民大嘆獎金太少！過往六合彩最高派彩係上年1月，當時一注獨得8600萬元，今次每注頭獎派彩僅係當時的1.2%。至於歷史上最低嘅頭獎派彩紀錄則係2001年10月30日，當時有28注中，每注只派18.3萬元。


今年第61期六合彩開彩，噚晚攪出嘅號碼係1、4、5、6、9、25，特別號碼係27，總投注額超過3268萬，二獎有10.5注中，每人有3.8萬，三獎有531注中，每人獲得1.92萬。對上一期（25日）嘅攪珠係一注獨中頭獎，當時幸運兒連同多寶獎金共獲2500萬。


只夠買5隻淘寶A貨巨鴨

有網友計數，話今次中頭獎唔係好着數，例如喺淘寶網買A貨巨鴨，家最大嗰款，20米都賣149,800蚊人仔，即約18萬港幣，噚晚就算中頭獎都只能買到5隻大巨鴨，可想而知筆錢幾少。