水滴形巨鑽

【明報專訊】佳士得噚日啱啱完成今年嘅春季拍賣會，一共拍賣咗32億港元嘅亞洲藝術、珠寶、名表同佳釀，當中一粒75.36卡嘅水滴形鑽石，成交價達8611萬港元，創下水滴形鑽石世界拍賣紀錄。另外，張大千名畫《荷塘野趣》，成交價亦有8051萬港元。


《荷塘野趣》係張大千大型立軸四幅重彩水墨畫，今次成為「中國古代及近現代書畫」春季拍賣最高成交價作品。至於創下藝術家世界拍賣紀錄嘅藏品，就包括成交價5139萬港元嘅明代周臣嘅《長江萬里圖》，同朱沅芷嘅《馬上舞旋》（1143萬元）。


張大千畫8051萬成交

講番拍賣會最貴嗰粒水滴形鑽石，屬D/IF Type IIa （極優打磨）級別，估價大概6680萬至9800萬港元，今次成交價有8611萬，果然係佳品。