淨心BB話畀的士狂追

【明報專訊】愛港力陳淨心（淨心BB）近期變得好紅，仲好多人追，但唔係追求，而係追蹤佢喎。BB噚日喺facebook留言，話近日被幾個陌生男人瘋狂跟蹤，仲話人哋喺佢經常出入嘅地方「埋伏」，「用的士追我幾十條街，我停路邊幾分鐘，他又停下，我開車，他又開車，不停的死跟」，BB話佢最後要報警處理，而喺警察未到場之前，佢話戰友已經落車，拍打呢架的士嘅車窗，質問車內嘅人點解死纏爛打，仲話的士內嘅人立即「內心有鬼」，開車絕塵而去。


公開車牌報咗警

淨心BB仲將的士嘅車牌號碼放上facebook，話唔怕人跟，「如果我陳淨心少一條汗毛，警方可從這車牌追緝兇徒！」Emily噚晚搵BB了解，但佢就無覆。


BB似乎未有受驚，仲喺網上熱烈談論時事，如近日前CIA人員斯諾登爆料泄密事件，BB就喺fb貼出一張圖，寫着「他……才是最應獲得和平獎的人！」