貿發局搞競猜 送鹽罌

【明報專訊】貿易發展局不時都搞外地考察團及商貿推廣團，近日就facebook搞個有獎競猜遊戲，叫人估佢今年去過邊度，仲一連三日（噚日至6月21日周五）fb上載相片同提供貼士。噚日貼士係﹕呢個國家幾偏僻，係經濟幾好景新興市場，地點有金字塔、有歐洲建築，仲有回教廟。

貼金字塔相 網民估世界之窗

Emily好奇睇睇網民有乜反應，點知唔少人見到風景相，就亂吹話相中地方似深圳「世界之窗」！不過，貿發局老友話一定唔係深圳啦。貿發局今日會上載第二批貼士，話呢個地方都有港式商場同商店喎。呢個遊戲志在參與，獎品係胡椒鹽罌。大家可以上網玩（www.facebook.com/hktdc.hk?fref=ts）。

講開貿發局，佢會展「香港．設計廊」，由6月24至7月12日舉行「愛心展關懷」展覽，有社企展銷環保產品，例如汽水罐改製成拖鞋等。