宮崎駿貓巴士 香港有得坐

【明報專訊】宮崎駿嘅卡通片風靡全球，其中最觸動人心嘅可能係《龍貓》，Emily細細個就好羨慕卡通片入面嘅草子同次子，可以有得坐軟綿綿嘅貓巴士。點知原來呢個唔係奢想，貓巴士真係嚟咗香港，仲有得畀人坐，唔使入錢㗎！


宮崎駿卡通片精品專門店「Donguri Republic」衝出日本，喺海港城開第一間海外分店，裏面有一隻1.9米高嘅大龍貓，又有次子等車嘅巴士站，可以畀人影相。最好玩嘅係有架貓巴士畀人坐，不過呢架貓巴士唔似卡通片入面嗰架咁大，次子坐低之後可以走來走去，現實版嘅貓巴士，只可坐兩個人。


龍貓巴士站任影

按照睇鴨嘅經驗，坐貓巴士嘅人好可能大排長龍，希望《龍貓》迷唔好好似對鴨仔咁，唔係嘅話，貓巴士變污糟貓就唔好啦。