新聞類別
財經
詳情#
【明報專訊】最近內地錢荒搞到大家心慌慌，但央行態度曖昧，大家好似霧裏看花。噚日人行行長周小川出席上海陸家嘴論壇，一眾傳媒同金融人都期待呢位央行掌門人可以指點迷津，點知平日鍾意自由發揮嘅周行長，噚日竟然罕有地讀稿講行話，演講完更一反常態急步閃人，令錢荒更加神秘難明。
據內地新浪網報道，周小川演講全程低頭讀稿，對於場上記者大聲請求解釋錢荒，佢全不理會。演講完畢，行長即刻離開會場，一班記者蜂擁而至，不停叫「周行長講兩句啦」，但行長就愈叫愈走。
滬副市長：錢荒報道膚淺
眼看行長即將走遠，絕望中一位記者再叫一聲「周行長講一句啊」，全場爆笑，但依然不能令行長開金口。有在場記者話，覺得周行長睇落心不在焉咁。
喺陸家嘴會場玩神秘的不止周小川。噚日上海副市長屠光紹語重心長同記者講，媒體關於錢荒嘅報道，都太膚淺，「報不到點子上」，勸記者應該去做啲深入報道。但點至叫「點子上」呢？「是壓力測試嗎？」有記者問。不過屠光紹就淨係拋出問題，答案仍在風中飄搖。
「央行對商業銀行的愛係強硬的愛」
人行研究局長紀志宏，噚日喺會場將央行描述成一位好媽咪：「央行對商業銀行的愛係強硬的愛，唔係溺愛的愛，要管教你的孩子，又要關愛他，中國的央行做得很好。對中國金融市場的未來，應該有個好的期待。」
email: [email protected]
據內地新浪網報道，周小川演講全程低頭讀稿，對於場上記者大聲請求解釋錢荒，佢全不理會。演講完畢，行長即刻離開會場，一班記者蜂擁而至，不停叫「周行長講兩句啦」，但行長就愈叫愈走。
滬副市長：錢荒報道膚淺
眼看行長即將走遠，絕望中一位記者再叫一聲「周行長講一句啊」，全場爆笑，但依然不能令行長開金口。有在場記者話，覺得周行長睇落心不在焉咁。
喺陸家嘴會場玩神秘的不止周小川。噚日上海副市長屠光紹語重心長同記者講，媒體關於錢荒嘅報道，都太膚淺，「報不到點子上」，勸記者應該去做啲深入報道。但點至叫「點子上」呢？「是壓力測試嗎？」有記者問。不過屠光紹就淨係拋出問題，答案仍在風中飄搖。
「央行對商業銀行的愛係強硬的愛」
人行研究局長紀志宏，噚日喺會場將央行描述成一位好媽咪：「央行對商業銀行的愛係強硬的愛，唔係溺愛的愛，要管教你的孩子，又要關愛他，中國的央行做得很好。對中國金融市場的未來，應該有個好的期待。」
email: [email protected]
留言 (0)
