建制派爭住賀珠姐

【明報專訊】參加巨蛋騷同愛港之聲嘉年華嘅市民慘變落湯雞，啱啱獲頒大紫荊勳章嘅基本法委員會委員譚惠珠就輕鬆得多，佢喺荃灣沙嘴道遊樂場慶回歸，有個紅色大帳幕遮住，唔怕落雨。


唔少建制派人士見到譚惠珠都走埋去同佢握手，恭喜佢拎咗大紫荊。左為勞工及福利局長張建宗，右為立法會漁農界議員何俊賢。