夢熊經過街站捐錢

【明報專訊】有人喺噚日七一遊行之前，見到「曾經梁粉」嘅前全國政協委員劉夢熊（Dream bear）現身銅鑼灣遊行街站，仲捐咗200蚊畀社民連。Emily即刻打畀Dream bear了解佢係咪決心投身民主派，Dream bear急忙澄清話自己冇遊行，只係咁啱有朋友約咗佢喺銅鑼灣柏寧酒店，所以要經過啲七一街站。


Dream bear又話，見到社民連「長毛」梁國雄、公民黨郭家麒、民主黨劉慧卿喺度籌款，「我行過佢哋嗰度，有人捉住我捐款，我身上唔係咁多現金，所以捐咗200蚊」。


講到七一遊行，Dream bear話特首梁振英做得唔好，換班子雖然有幫助，但最重要都係改革政制、搞政黨政治。佢又覺得2017年普選唔應該剝奪民望高嘅人參選，否則就唔係真普選啦。