新聞類別
港聞
詳情#
【明報專訊】服務咗港鐵30幾年嘅前港鐵公司事務總經理梁陳智明（Ｍiranda，圖），今年1月退休後生活多姿多采，得閒學吓佛學，又同老公去騎馬，上個月起同港台五台節目總監何重恩開咪主持節目《繽紛旅程》，訪問退休名人，之前訪問咗前消防處長盧振雄，遲啲仲會訪問警隊前一哥鄧竟成。
將訪前一哥鄧竟成
Ｍiranda退休前日日24小時on call，每逢港鐵有緊急事故都要第一時間出嚟解畫。鍾意打扮嘅佢噚日大爆試過「辟穀」減肥，舉行兩鐵合併記者會當日只喺飲過清水，好彩無暈低咋。
Ｍiranda話退休後有啲唔習慣，有時會掛住份工，試過有港鐵事故時SMS前同事傾解決方法。佢家會去佛堂學佛，學習「放低」，周末同老公騎吓馬咁。
退休學佛學「放低」
佢形容退休生活係「展開人生另一段路」，上個月起喺港台主持《繽紛旅程》，訪問退休名人，節目逢星期一晚7至8點播出，下個星期一將會播出前規劃環境地政局長蕭炯柱訪問，有興趣嘅朋友記住聽港台五台啦！
將訪前一哥鄧竟成
Ｍiranda退休前日日24小時on call，每逢港鐵有緊急事故都要第一時間出嚟解畫。鍾意打扮嘅佢噚日大爆試過「辟穀」減肥，舉行兩鐵合併記者會當日只喺飲過清水，好彩無暈低咋。
Ｍiranda話退休後有啲唔習慣，有時會掛住份工，試過有港鐵事故時SMS前同事傾解決方法。佢家會去佛堂學佛，學習「放低」，周末同老公騎吓馬咁。
退休學佛學「放低」
佢形容退休生活係「展開人生另一段路」，上個月起喺港台主持《繽紛旅程》，訪問退休名人，節目逢星期一晚7至8點播出，下個星期一將會播出前規劃環境地政局長蕭炯柱訪問，有興趣嘅朋友記住聽港台五台啦！
留言 (0)
