財爺唔出聲 記者唔開心

【明報專訊】財政司長曾俊華上星期話自己「愈做愈興奮」，噚日仲要去埋「開心工作間」標誌頒發典禮做主禮嘉賓，唔通係想身體力行，同大家講自己喺政府做得幾開心？

星巴克儲積分換培訓

不過，財爺自己「愈做愈興奮」，班記者就畀佢搞到唔多開心。班行家準備晒咪、set好晒陣，諗住整個「記者開心工作間」出嚟，畀財爺嚟個「開心分享」、講吓想唔想換走CY呢個老闆、會唔會又出辣招打冧樓市咁。點知今次財爺除咗同其他嘉賓傾偈，面對記者全程一粒聲都唔出。


至於生產力局首次頒發嘅「開心工作間」標誌就由152間企業、16間機構獲得。當中星巴克咖啡分享公司嘅員工儲分制度，話儲夠一定積分可以換到1萬蚊培訓資助！