愛字派公開收捐款 黎棟國拒評

【明報專訊】有人話香港係遊行集會之都，近年Emily同身邊朋友都見大型集會活動有唔少籌款，但都唔知道佢哋究竟有無向政府攞正牌。喺昨日嘅立法會，公民黨議員毛姨姨（毛孟靜）問起保安局長黎棟國，既唔係社團又無公司登記嘅「愛護香港力量（愛港力）」同「愛港之聲」，據報早前公開收捐款，有無犯法？


黎局長就話佢唔會評論個別組織或案件，但係就講起警方若收到未經批准籌款活動嘅投訴，都會跟進，不過喺2010至2012年嘅3年間，就只係有一人因此被檢控，罰咗5000蚊。