民建聯3女開fb專頁

【明報專訊】民建聯喺立法會內有3個女議員，包括李慧琼、蔣麗芸同葛珮帆，由於都算係議員內少數，所以佢哋都不時就女性、家庭議題發聲，最近佢哋設立咗facebook專頁，利用網上平台齊齊同網民交流，李慧琼話歡迎各位就唔同問題向佢哋「訴心聲」，笑言白姐姐（白韻琹）當日都係咁起家。唔知佢哋3個又做唔做到呢？


佢哋話都希望喺呢個專頁寫啲軟性嘢，李慧琼將會上載同個女嘅合照，因為嚟緊個女踏入11歲，佢會陪囡囡去拎兒童身分證，都想記低呢個歷史時刻；人稱「政壇元秋」嘅蔣麗芸就話打算上載唔同嘅BB仔相片，等大家開心吓。葛珮帆就認真啲，話會放番走光黑點名單上網，等一眾女士小心。


見粗口留言即刪

既然想網友訴心聲，即係歡迎大家自由發表意見啦，蔣麗芸承諾有提問佢會盡量親自答，但有一條底線，就係一見到粗口留言就無情講，即刪！