ICC運動燈光動畫

【明報專訊】「牛下女車神」李慧詩前幾日再創佳績，喺南澳洲場地挑戰賽奪得7面金牌兼創下31場全勝紀錄，環球貿易廣場（ICC）唔知係咪想順住呢個熱潮，推出以「夏日運動狂熱」為主題嘅燈光動畫，展示10種不同運動，包括單車、滑浪風帆、乒乓波等。噚晚開始，市民可以喺晚上7點45分同9點去到中環國際金融中心商場露天平台，一邊欣賞動畫、一邊收聽動畫配樂。主辦單位亦推出咗實時音效播放功能嘅智能手機應用程式，方便市民喺維港沿岸「聲光同步」咁欣賞動畫。