新聞類別
財經
詳情#
【明報專訊】噚日同行內朋友茶餘飯後嘅話題，除咗華潤董事長宋林畀人實名舉報涉貪污案之外，就係蘋果報紙專欄一篇文章擺咗著名股評人胡孟青上枱，搞到「青姐」一肚氣；但青姐同小琴講，無意公開反擊，因為「回應係浪費體力」。
小琴睇過篇文，一言以蔽之，就係想諷刺我哋女士要靠化妝品、大眼仔、假睫毛等，去執靚自己個樣。原本你有你個人睇法都算，問題係，文章用咗青姐個名起題，又夾硬要形容一個靚女甩了假眼睫毛後，由「佘詩曼變了胡孟青」，突兀嘅比喻令到一篇原本得啖笑嘅專欄，湧出一股濃烈嘅人身攻擊嘅味道。
「借我個名博出位 回應係浪費體力」
無嗱嗱畀人咁擺上台，性子率直嘅青姐亦唔客氣，send咗段過百字嘅短訊畀小琴，話睇完篇文之後，覺得係有人想借佢個名博出位，但抽水抽到要人身攻擊，實在太低俗啦，佢更直言對呢啲「無名氏」嘅專欄，真係回應都浪費自己嘅體力咁話。
當事人大人有大量，但支持青姐嘅朋友就抱打不平，專登搵番青姐後生嗰陣嘅素顏清純look靚相出嚟，都不知幾「那些年」。
佢朋友仲留言：「青姐生仔之前都好索，冇理由咁話佢，咁係歧視女性，冇諗過女性為咗家庭犧牲咗好多，佢咁寫已經得罪咗好多中環返工嘅母親。」
「無名氏」作者知衰道歉
那個「無名氏」作者都知衰，後來也公開話﹕「我再三看一次，也認為過火了。對被我言語傷害的人，我慎重道歉。」
email: [email protected]
小琴睇過篇文，一言以蔽之，就係想諷刺我哋女士要靠化妝品、大眼仔、假睫毛等，去執靚自己個樣。原本你有你個人睇法都算，問題係，文章用咗青姐個名起題，又夾硬要形容一個靚女甩了假眼睫毛後，由「佘詩曼變了胡孟青」，突兀嘅比喻令到一篇原本得啖笑嘅專欄，湧出一股濃烈嘅人身攻擊嘅味道。
「借我個名博出位 回應係浪費體力」
無嗱嗱畀人咁擺上台，性子率直嘅青姐亦唔客氣，send咗段過百字嘅短訊畀小琴，話睇完篇文之後，覺得係有人想借佢個名博出位，但抽水抽到要人身攻擊，實在太低俗啦，佢更直言對呢啲「無名氏」嘅專欄，真係回應都浪費自己嘅體力咁話。
當事人大人有大量，但支持青姐嘅朋友就抱打不平，專登搵番青姐後生嗰陣嘅素顏清純look靚相出嚟，都不知幾「那些年」。
佢朋友仲留言：「青姐生仔之前都好索，冇理由咁話佢，咁係歧視女性，冇諗過女性為咗家庭犧牲咗好多，佢咁寫已經得罪咗好多中環返工嘅母親。」
「無名氏」作者知衰道歉
那個「無名氏」作者都知衰，後來也公開話﹕「我再三看一次，也認為過火了。對被我言語傷害的人，我慎重道歉。」
email: [email protected]
留言 (0)
