華叔3墨寶周六拍賣

【明報專訊】支聯會前主席司徒華（華叔）過咗身兩年幾，佢啲墨寶就梗係買少見少，普藝拍賣公司搵到3件華叔墨寶，取材都係來自已故國學大師、中文大學聯合書院中文系首任系主任陳湛銓嘅《修竹園詩》，今個禮拜三至五預展，禮拜六公開拍賣。


墨寶贈偶像陳湛銓之子

點解華叔會寫呢啲墨寶？原來佢係陳湛銓粉絲，2006年知道陳湛銓個仔陳乾綱喺華中師範大學讀緊博士，所以就用毛筆寫咗佢父親嘅詩句畀佢，以作鼓勵喎。話說陳乾綱兩年後成功攞到博士，論文就係研究佢爸爸同埋《修竹園詩》，唔怪得咁得心應手啦。


預展及拍賣會喺皇后大道中88號勵精中心14樓舉行，預展時間早上10點至下午6點，拍賣活動喺周六朝早10時半開始。