Miss Mo撞爛人哋車 賠5位數

【明報專訊】立法會議員工作都有番咁上下忙，公民黨立法會議員毛孟靜就話自從做咗議員之後，成日要朝早開會，搞到長期睡眠不足，上個禮拜六黃昏去書展，諗住喺會展泊車時，精神唔夠集中，倒後泊車嗰陣竟然無入「後波」，讀者可以想像，佢架車就梗係向前衝，咁就「嘭」一聲撞向對面日本車嘅車頭。


Miss Mo噚晚將呢件事放上facebook，佢同Emily講事後個心一直囉囉攣，喺電話已經同車主道歉，而噚日就同對方見面，佢話對方原來係一個溫柔美麗嘅太太，見面時對方都無表現嬲佢，佢仲話車主兩個千金都好可愛。


話美麗太太車主無嬲

不過，Miss Mo今勻就要破財擋災，撞爛人哋架車，要賠5位數字金額，自己架車就只撞爛咗車頭零件，損毁輕微，幾乎唔使整