渣古嚇壞女士

【明報專訊】機動戰士軍團「進佔」銅鑼灣。瘋魔唔少港男嘅高達同渣古已停泊喺時代廣場Gundam Docks at Hong Kong，一場聯邦軍和自護軍之戰「蓄勢待發」。單喺門外嘅1：3 高達同1：3馬沙專用渣古II，近日已吸引好多人影相，呢個日本以外最大嘅高達基地明日正式開幕，屆時高達迷就可近距離同20隻同等身高嘅綠色渣古（圖）及超過100件高達模型接觸，駕駛員阿寶、馬沙及其他成員亦會隨時出現。每晚6至10點，廣場大電視仲會每半小時播出映片，配合燈光音效模擬宇宙中嘅高達戰場。而8月2日起，長達10米嘅白色木馬號太空航母會趕到補給。展期由聽日起至9月1日。


圖中每隻渣古都擺出唔同姿態畀人影相，有女仔就扮被槍指住，一副驚恐模樣。


（余俊亮攝）