義工抗議理大禁餵流浪貓

【明報專訊】理工大學近日阻止義工餵流浪貓，引起義工不滿，於是整咗張貓仔流眼淚既抗議海報放喺facebook流傳，Emily當然要問清楚係咩事啦。理大同Emily講，早排有多個同事關注校內嘅流浪貓，當時正值禽流感恐慌，校方擔心衛生問題，所以勸啲義工唔好再餵貓囉。


貓仔流淚海報放fb流傳

不過班義工就唔收貨，話貓通常留喺僻靜地方，唔會喺學校走嚟走去，又話義工餵貓後會清理垃圾，而且已經幫咗5隻貓搵主人或者絕育，減少貓數目。義工質疑點解港大、中大同嶺大都准人餵貓，理大就唔得，搞到啲貓斷糧呢？Emily覺得，校方同義工各自講晒啲觀點出嚟，其實都係好事，大家不妨參考埋其他大學經驗，平心靜氣坐低，傾個雙方都接受嘅方案出嚟，咪好囉。