詹培忠﹕賣殼股多過買殼股

【明報專訊】已經離開立法會嘅詹培忠，繼續專注於佢嘅買殼、賣殼生意。詹詹近期最新嘅傑作，係以每股0.9元，購入9000萬股成謙聲匯（2728），持股多達27.99%，作價5400萬銀。佢嘅持股僅次於大股東張華強。小琴問起詹培忠時，佢就話買入成謙只係投資而已，唔排除將來轉售。


詹詹又提醒小琴，佢近期賣殼股多過買殼股，包括出售咗聯太工業（0176）等共4隻股份，所以他出售股份嘅數目，多過買入。連同成謙，他近期淨係買咗百德（2668）咋。詹詹所言非虛，轉頭喺今個星期，佢又將手上嘅亞洲資源（0899）共2668萬股，以每股0.71元沽售，套現1894萬元，只保留3.65%持股。雖然詹叔退出政壇，但係佢喺股壇嘅買賣仍然活躍，果真寶刀仍然未老。