新聞類別
財經
詳情#
【明報專訊】自從阿爺話要大搞深圳嘅前海特區，每當有政策新進展出籠，就會帶起中港相關概念股大炒特炒，之不過原來前海概念嘅威力唔單止覆蓋中港，響美國都一樣炒得起。好似最近咁，紐約上市嘅南太集團，從上星期五開始股價連升兩日，由每股7.01美元炒到星期一嘅8.74美元，升咗兩成半；原來係因為佢哋響前海附近有幅廠地將會改造成商業用地，食正前海概念而獲投資者青睞。
近前海擁5.2萬平方米商地
噚日南太執行董事長兼首席財務官顧明均約咗記者朋友食飯，席間就講起嗰幅地皮嘅發展。佢話塊地響前海北面嘅西鄉鎮，面積5.2萬平方米，原本打算用嚟做廠房，不過嗰區要搞舊城改造，所以塊地已經改為高級商業大廈同酒店等商業用途，容積率增加到6倍。顧明均話初步估計成個項目投資成本大約30億人仔，由公司獨資發展，2015年左右開工，預計物業落成後會出租。
講開南太集團同顧明均，集團旗下南太電子曾在香港上市，由顧明均任主席，不過響2009年畀母公司私有化咗。顧明均強調，今次發展商業項目未有考慮會返嚟香港上市集資，至於公司會唔會打算改行做地產，佢就笑笑口話：「除非電子生意唔好做啦。」
近前海擁5.2萬平方米商地
噚日南太執行董事長兼首席財務官顧明均約咗記者朋友食飯，席間就講起嗰幅地皮嘅發展。佢話塊地響前海北面嘅西鄉鎮，面積5.2萬平方米，原本打算用嚟做廠房，不過嗰區要搞舊城改造，所以塊地已經改為高級商業大廈同酒店等商業用途，容積率增加到6倍。顧明均話初步估計成個項目投資成本大約30億人仔，由公司獨資發展，2015年左右開工，預計物業落成後會出租。
講開南太集團同顧明均，集團旗下南太電子曾在香港上市，由顧明均任主席，不過響2009年畀母公司私有化咗。顧明均強調，今次發展商業項目未有考慮會返嚟香港上市集資，至於公司會唔會打算改行做地產，佢就笑笑口話：「除非電子生意唔好做啦。」
留言 (0)
