新聞類別
港聞
詳情#
【明報專訊】羅湖懲教所4月推出「真識食—珍惜食」試行計劃，家已經有大概800個在囚者自願參與，每餐減少1/4碗飯，平均每個月慳番成萬碗飯，等同60包25公斤重白米！
稱女仔細食先行
羅湖懲教所專門收容女性在囚者，署理總懲教主任李美玲話，女仔細食啲，佢哋做咗調查，發現羅湖懲教所剩食問題比較顯著，所以就揀咗喺呢度試行。參加咗計劃嘅嘉兒（化名）話兩個姨甥仔嚟探佢，知道佢參加咗惜食計劃，喺學校都會食少啲嘢，隔空支持咁話！嘉兒仲話，比起在囚者，外面嘅人有更多主動權同選擇權，希望社會人士明白惜食嘅重要。幾個月以嚟，院所已慳咗4萬碗飯、100幾公斤薯仔同200幾塊薄餅，每個月慳番萬六蚊，啱啱好可以用嚟租一部廚餘機。
慳萬六蚊 租廚餘機造肥料
Emily親身睇過呢部上個月先到嘅廚餘機，雖然有少少異味，但操作簡單，在囚者每日幫手將肥肉、瓜皮、菜葉等廚餘倒入機，溝埋肥料，攪拌14日，再烘乾14日，就會變成適合種植嘅有機肥料㗎喇！
留言 (0)
