CY出席新聞界國慶酒會

下周四係十一國慶，唔少團體陸續舉行慶祝國慶嘅酒會或其他活動，無「去中國化」！新聞界亦唔例外，噚日舉行國慶66周年酒會，特首梁振英（前排右五）噚日一日走幾場，亦有出席呢個酒會，同場仲有中聯辦副主任楊健、新聞處長聶德權、全國政協委員盧文端、前政協常委楊孫西等人。佢哋同各大傳媒機構管理層齊齊喺台上祝酒，台下唔少嘉賓都拎起手機影低呢一刻。