李河君剖白：漢能終成「陽光男孩」

【明報專訊】都咪話唔橋，噚日兩位李姓「首富」均先後解話，除咗長和（0001）主席李嘉誠發聲明回應「撤資論」，曾經的中國首富、漢能（0566）主席李河君，亦都剖白心聲，指現時每個漢能員工都五味雜陳，皆因喺漢能受到一些誤讀及質疑後，大家包括員工在內現時都蒙受損失，又話大家的損失都令佢痛心同埋不安咁話。


一向自信的李總，更認為早前媒體上出現質疑的聲音，主要係未有了解漢能的內涵，又指漢能畀人的形象，終有一日會成為「雖然唔係高富帥，但一定是陽光男孩，即健康、自信、誠實、透明同善良」咁話喎。


李河君又形容，漢能股價由5月份暴跌、7月份被證監會指令暫停交易等，無論係對上市公司、控股集團、投資者以及其本人來說，都係「一場災難」，相信唯一贏家只係做空機構及做空投資者。並指控在最近兩年來，漢能至少經歷了3次大規模地被惡意做空，又說指李河君做空漢能的「不是沒腦子，便是居心叵測」。


email: [email protected]

[小琴密語]