新聞類別
財經
詳情#
【明報專訊】話說呢頭漢能（0566）主席、前中國首富李河君，響前日（29日）先講完每個漢能員工，都因為公司被惡意沽空，而「五味雜陳」、蒙受損失；噚日（30日）公司就宣布副主席兼執行董事劉民，基於個人健康理由，辭任職務，今日（10月1日）生效，真係講都冇咁「橋」。
老臣子 傳半年前遭架空
不過據講事情並唔係係簡單。《騰訊網》噚日引述消息人士話，劉民早喺1999年已經跟住李河君打天下，絕對係老臣子，仲係唯一一個敢係李河君面前拍枱嘅人；但係報道話其實劉民早已經係半年前，因為母公司另一高層馮國華嘅「空降」而被架空；至於所謂嘅健康理由真唔真就唔知嘞。
劉民今年先至41歲，小琴唔係話41歲就唔可以有健康問題，不過漢能家喺風雨飄搖之中，如果加埋有拗撬搞到個心唔舒服，都真係幾影響健康㗎！
[小琴密語]
留言 (0)
