新聞類別
副刊
詳情#
【明報專訊】Happy Mama一向留意海外教育情况，睇下人哋做成點，有冇嘢值得我哋學習。近排就發現台灣嘅教育好似有大轉變喎，故事要由上年底通過嘅「實驗教育三法」講起。
台灣嘅實驗教育，簡單嚟講就係主流教育體制以外嘅另類教育，例如在家自學、華德福教育，當地已經推行咗廿幾年；而「實驗教育三法」通過後，令實驗教育更有法律依據，例如公辦學校亦可以轉型為實驗學校，學校喺課程規劃上更自主，收生亦更有彈性，例如同一間學校入面可收6至18歲嘅學生，實行混齡教學，意味學校變得多元化、特色化。
四成家長 願送孩子上實驗學校
民進黨立法委員林佳龍話，今次係台灣教育改革史上重要里程碑；未來法律上更保障「體制外」學生、老師同家長，有助學生適性學習，也讓民間更能參與。而據當地傳媒報道，政策通過後，半年間已有至少19所公辦中小學轉為實驗學校。台灣雜誌《親子天下》做過調查，結果顯示約四成家長接受呢個改變，亦願意送孩子上實驗學校。
在家自學 台政府有資助
另外，政策亦為在家自學訂立定義，更列明政府會提供資助，升讀大學方面亦有更清晰嘅指引。其實喺香港，亦有家長為孩子選擇在家自學，只要有合理解釋和學習證明，唔返學唔係犯法嘅。但相對香港，台灣這方面發展比較成熟。
Happy Mama同本地在家自學家長、教育大同發起人張惠侶傾過，佢話現時香港多咗人知道在家自學這回事，不同相關團體亦多咗聯繫。佢希望在家自學可以有一個根據點，集合相關資料，畀有興趣嘅人了解；至於立法，佢覺得台灣在家自學有法律保障，感覺良好，但又提到若然立法令在家自學嘅彈性減低，咁就有保留喇。
講到尾，其實最緊要係大家知道，教育唔係得一條路，喺主流體制下仍然有空間，其實我哋有得揀嘅！
台灣嘅實驗教育，簡單嚟講就係主流教育體制以外嘅另類教育，例如在家自學、華德福教育，當地已經推行咗廿幾年；而「實驗教育三法」通過後，令實驗教育更有法律依據，例如公辦學校亦可以轉型為實驗學校，學校喺課程規劃上更自主，收生亦更有彈性，例如同一間學校入面可收6至18歲嘅學生，實行混齡教學，意味學校變得多元化、特色化。
四成家長 願送孩子上實驗學校
民進黨立法委員林佳龍話，今次係台灣教育改革史上重要里程碑；未來法律上更保障「體制外」學生、老師同家長，有助學生適性學習，也讓民間更能參與。而據當地傳媒報道，政策通過後，半年間已有至少19所公辦中小學轉為實驗學校。台灣雜誌《親子天下》做過調查，結果顯示約四成家長接受呢個改變，亦願意送孩子上實驗學校。
在家自學 台政府有資助
另外，政策亦為在家自學訂立定義，更列明政府會提供資助，升讀大學方面亦有更清晰嘅指引。其實喺香港，亦有家長為孩子選擇在家自學，只要有合理解釋和學習證明，唔返學唔係犯法嘅。但相對香港，台灣這方面發展比較成熟。
Happy Mama同本地在家自學家長、教育大同發起人張惠侶傾過，佢話現時香港多咗人知道在家自學這回事，不同相關團體亦多咗聯繫。佢希望在家自學可以有一個根據點，集合相關資料，畀有興趣嘅人了解；至於立法，佢覺得台灣在家自學有法律保障，感覺良好，但又提到若然立法令在家自學嘅彈性減低，咁就有保留喇。
講到尾，其實最緊要係大家知道，教育唔係得一條路，喺主流體制下仍然有空間，其實我哋有得揀嘅！
留言 (0)
