新聞類別
副刊
詳情#
【明報專訊】香港大學校委會否決委任陳文敏為副校長一事，被指投反對票嘅校委盧寵茂教授成為風頭人物，有網民就試圖翻佢舊帳，話鬧學生泄密嘅盧教授，自己也曾受「良心驅使」爆料，喺2013年遴選港大校長時，公開鬧大學聘請馬斐森係「無知、無能、無心」。不過，盧寵茂對於泄密指控就好唔服氣，話當年只係喺校委會確認及公布人選後，先至評論，並無違保密協議。
指在獲確認後才評論校長
港大學生會會長馮敬恩早前違反校委會保密協議，公開爆校委會開會內情，包括指盧教授喺會上講，陳文敏喺盧整傷腳後無慰問佢，事件引起盧教授不滿，指馮同學應該反省。
不過，有網民話，作為校委會成員嘅盧教授，喺2013年10月批評校委會委聘馬斐森做校長，佢當時話係良心驅使發聲。不過，盧教授噚日以短訊回覆Emily，話網民呢個指控不正確，佢話「當年我作為遴選委員會成員， 一直堅守保密協議，從未評論遴選過程內容或披露獲提名者，只是在任命獲校委會確認及公布後，提出對外國人當港大校長三大基本隱憂，與保密協議無關」。
不知今夕何夕 李輝爆笑料
除咗盧教授，港大教育學院副教授李輝話自己論文「影響因子」係港大法律學院前院長陳文敏嘅「200倍」，亦成為網絡紅人。佢噚日喺商台《在晴朗的一天出發》節目解畫時又爆笑料，話其實自己無留意陳文敏獲推薦為副校長嘅事件，當主持問佢知唔知其實係《文匯報》喺11月26日率先爆出呢件事時，李輝反問﹕「舊年定今年？」主持人都忍唔住，話今年都未到11月！
指在獲確認後才評論校長
港大學生會會長馮敬恩早前違反校委會保密協議，公開爆校委會開會內情，包括指盧教授喺會上講，陳文敏喺盧整傷腳後無慰問佢，事件引起盧教授不滿，指馮同學應該反省。
不過，有網民話，作為校委會成員嘅盧教授，喺2013年10月批評校委會委聘馬斐森做校長，佢當時話係良心驅使發聲。不過，盧教授噚日以短訊回覆Emily，話網民呢個指控不正確，佢話「當年我作為遴選委員會成員， 一直堅守保密協議，從未評論遴選過程內容或披露獲提名者，只是在任命獲校委會確認及公布後，提出對外國人當港大校長三大基本隱憂，與保密協議無關」。
不知今夕何夕 李輝爆笑料
除咗盧教授，港大教育學院副教授李輝話自己論文「影響因子」係港大法律學院前院長陳文敏嘅「200倍」，亦成為網絡紅人。佢噚日喺商台《在晴朗的一天出發》節目解畫時又爆笑料，話其實自己無留意陳文敏獲推薦為副校長嘅事件，當主持問佢知唔知其實係《文匯報》喺11月26日率先爆出呢件事時，李輝反問﹕「舊年定今年？」主持人都忍唔住，話今年都未到11月！
留言 (0)
