何秀蘭打風滯台 「自爆」列黑名單

【明報專訊】去咗台北玩幾日嘅工黨何秀蘭（Cyd）受到颱風彩虹嘅影響，原定前日返港，最終都要滯留當地多一日，中間仲來回台北機場兩次，希望盡快拎到機位返港。


Cyd話今次去台北係坐國泰，最終要額外畀錢買機票，喺國泰櫃位排足一個鐘，噚日下午終於搭到飛機返港。佢話其實國泰地勤都有幫佢諗辦法，包括建議佢轉飛澳門、珠海或廣州，然後再返香港，但佢即刻同該地勤講，雖然自己喺香港好似台灣立委咁係立法會議員，但內地已將佢列入黑名單，即使飛去內地，都無得入境。