女廁排長龍 加廁格修例刊憲

【明報專訊】唔少女士平日去商場行街，都會遇到女廁大排長龍嘅問題，政府今年初向立法會發展事務委員會提交文件，建議修訂法例去增加公眾場所嘅女廁數目。


政府噚日就《2015年建築物（衛生設備標準、水管裝置、排水工程及廁所（修訂）規例》正式刊憲，提升女性衛生設備嘅標準。簡單而言，就係公眾場所衛生設備嘅男女使用人數比例，會由1:1提高到1:1.5，未來公眾場所女廁比例要加多。


除咗公眾場所，辦公室亦要跟住做，根據《修訂規例》，辦公室嘅男女衛生設備比例亦有修訂，會由家嘅2:1修訂做1:1，增加女性衛生設備數目。