新聞類別
財經
詳情#
【明報專訊】羅康瑞有一對寶貝仔女，甚少在公開場合曝光。直至兩個月前業績記者會，寶貝女羅寶瑜先現身記者面前，因為佢最近回流返香港幫老竇手打理生意，擔任集團中國新天地嘅執行董事。有「上海姑爺」之稱嘅羅康瑞噚日見傳媒，話寶瑜「精」，決定去上海定居。其中一個原因係爸爸係公眾人物，經常被人追訪，唔想喺香港咁受人注意。
寶貝女想低調 定居上海
至於羅康瑞嘅寶貝仔就啱啱畢業，「上海姑爺」已同佢講清楚，一係自己去搵嘢做，一係就創業。最終寶貝仔決定創業，而且係好平民化嘅生意——搞茶餐廳。問佢點解個仔鍾意搞茶餐廳？「上海姑爺」話佢媽媽、即係囝囝嘅嫲嫲最拿手整葡國雞，味道同一般食肆截然不同。囝囝好想喺茶餐廳整番嫲嫲道拿手菜出來，但暫時未能成功。
大家梗係好關心羅康瑞有冇打本畀個仔創業，佢話只係借咗筆錢畀佢，仲要計息。「當年我老竇都係咁樣對我。」佢話個仔間茶餐廳租嘅係佢嘅物業，但係都要計市值租金。「你家去嗰間茶餐廳，我個仔仲會捧咖啡奶茶。」記者當然追問間茶餐廳喺邊，佢死都唔肯講。「講咗畀你聽仲得了！」
email: [email protected]
[小琴密語]
寶貝女想低調 定居上海
至於羅康瑞嘅寶貝仔就啱啱畢業，「上海姑爺」已同佢講清楚，一係自己去搵嘢做，一係就創業。最終寶貝仔決定創業，而且係好平民化嘅生意——搞茶餐廳。問佢點解個仔鍾意搞茶餐廳？「上海姑爺」話佢媽媽、即係囝囝嘅嫲嫲最拿手整葡國雞，味道同一般食肆截然不同。囝囝好想喺茶餐廳整番嫲嫲道拿手菜出來，但暫時未能成功。
大家梗係好關心羅康瑞有冇打本畀個仔創業，佢話只係借咗筆錢畀佢，仲要計息。「當年我老竇都係咁樣對我。」佢話個仔間茶餐廳租嘅係佢嘅物業，但係都要計市值租金。「你家去嗰間茶餐廳，我個仔仲會捧咖啡奶茶。」記者當然追問間茶餐廳喺邊，佢死都唔肯講。「講咗畀你聽仲得了！」
email: [email protected]
[小琴密語]
留言 (0)
