CY訪以色列哭牆

【明報專訊】特首梁振英（CY）伉儷及官員去咗以色列訪問，除咗見當地官員及考察，噚日去咗當地猶太人嘅宗教聖地西牆（又稱哭牆），仲入鄉隨俗戴埋傳統嘅小帽子，肅立咁面向石壁。CY一向少講宗教信仰嘅事，唔知佢噚日面壁時係禱告定係靜思呢。不過，CY呢個動作為網民提供無限創作空間，有人改圖，喺圖上加上「請勿在此小便」字句。


CY噚日同官員仲有去考察海水化淡廠，跟科技界人士會面，行程還有到訪特拉維夫大學。佢今日轉飛英國倫敦官式訪問兩日。


（以色列駐港總領事館提供）