不敵初中生 莫乃光寫code認小學雞

【明報專訊】立法會資訊科技界議員莫乃光（Charles），同IT界朋友黃岳永（Erwin）噚日安排咗一班初中同學，參加編寫程序工作坊，然後用平板電腦程序控制機械人玩具。Charles係IT人，但原來有成20年無寫過code，所以其實佢噚日係同學生一齊上堂，結果梗係初中生上手快過佢同埋Erwin啦，難怪佢自認係小學雞學寫程式。


Charles話，好多國家已經有政策畀所有學生自小學寫程式同接觸機械人、3D打印等技術，而佢哋噚日嘅活動，主要係想測試一下小朋友學習寫程式時會遇到乜嘢問題，用咩教授方式會好啲。Charles話玩得好開心，難得有成班細路陪佢上堂砌機。