葉氏化工拍電影慶祝45周年

【明報專訊】葉氏化工（0408）明年就係成立45周年紀念，一般嚟講呢啲紀念日子，多數公司都係搞吓酒會，辦吓活動同最緊要嘅切個寫住「45」嘅大蛋糕，之不過葉氏創辦人兼主席葉志成就別出心裁，諗咗個幾特別嘅慶祝方式，就係自己出錢拍番部自傳電影，講述佢游水落香港、同妹妹以4000蚊創業嘅打拼嘅經歷。


劉松仁演主席葉志成

雖然部電影仲未起名，亦未計投資總額，但就會搵劉松仁做返葉生個角色，另外亦會有內地新晉演員呂星辰同吳俊余主演；電影預計響明年下半年香港及全國上映；同時，葉生秉承熱心公益嘅精神，票房全部收益，將會不扣除製作成本，全數捐做慈善用途。


[小琴密語]