港人轉戰海外物業 泛亞環球賺到上市

【明報專訊】香港人買唔起香港樓已經喺世界聞名，於是唔少收入穩定、又有積蓄嘅人索性轉去買海外物業，投資收租好過。好似啱啱喺尖沙嘴開咗第二間展銷廳、匯隆控股（8021）嘅聯營公司泛亞環球物業咁，生意多到可以搞埋上市。


區域銷售董事鄭偉文就表示，希望明年年底可以喺創業板上市，更希望成功上市後，可以做埋海外發展商，喺澳洲等地起樓。例如將獨立屋拆咗重建成聯排別墅，1間變成6、7、8間咁，增加成本效益。


雖然投資海外物業做得過，但投資移民嘅生意似乎就無外間所諗有咁多，鄭偉文話，呢盤生意只係佔公司銷售約5%。佢仲話，公司今年上半年嘅生意額按年升咗70%。


擬撈埋海外發展商

當中除咗一直深受港人歡迎嘅澳洲市場，繼續大放異彩外，英國嘅細價樓亦吸引咗唔少投資者，主要由於當地物業價格相宜，而英鎊嘅波幅亦相對較穩定。


[小琴密語 email: [email protected]]