新聞類別
副刊
詳情#
【明報專訊】Happy Mama最近想搵老友飲餐茶都難，事關身邊大部分朋友都係媽媽輩。大家都知，媽媽係全世界最惡鯁嘅工，永遠有開工無收工，况且幾個老死都不約而同搞緊一個大project，就係幫仔女搵學校。有個老友撲緊幼稚園、有個就煩緊小學，仲有一個揀緊中學，個個諗到頭都大埋，鬼有人得閒應酬Mama咩！
收生準則間間不同
Mama都係過來人，點會唔明白吖，但Mama自問比較懶，唔喜歡太「前瞻性」，總之細路身處邊個階段，做好當前本份就算，費事諗太多，搞到神經衰弱。唔似得有個親戚咁，囝囝只係讀緊小三，就已經煩惱緊升中問題，搞到成日無覺好瞓。
親戚近日仲好認真咁四出打聽，究竟中一自行分配學位點計分？點先攞盡課外活動一欄嘅分數？其實呢位親戚已經好「努力」，打從仔仔讀小一開始，佢已經安排個仔學齊琴棋書畫，因為佢聽人講，只要參加得愈多，課外活動一欄嘅得分就愈高，容易啲獲學校取錄。
課外活動宜專不宜多
Mama請教過喇沙書院前副校長、資深教育工作者趙榮德，佢話間間中學嘅收生準則及計分比重都唔同，好難一概而論。所以家長第一步應該了解心儀學校嘅收生準則及計分比重，呢啲資料按教育局規定一定要公開，好容易攞到。
有啲學校最重視只係教育局學生「次第」，亦有學校以校內成績、面試表現佔分最重，但普遍學校對於學生嘅課外活動及獎項，評分都唔會佔好高。
不過，趙sir亦明白，做家長嘅當然係一分都不能失。佢建議小朋友與其周身刀無張利，不如專攻一兩項音樂或體育項目，期望玩到一啲成績出來，因為質比量更重要。如果小朋友專長正正就係學校最需要的人才，咁獲取錄嘅機會就自然大好多啦！
收生準則間間不同
Mama都係過來人，點會唔明白吖，但Mama自問比較懶，唔喜歡太「前瞻性」，總之細路身處邊個階段，做好當前本份就算，費事諗太多，搞到神經衰弱。唔似得有個親戚咁，囝囝只係讀緊小三，就已經煩惱緊升中問題，搞到成日無覺好瞓。
親戚近日仲好認真咁四出打聽，究竟中一自行分配學位點計分？點先攞盡課外活動一欄嘅分數？其實呢位親戚已經好「努力」，打從仔仔讀小一開始，佢已經安排個仔學齊琴棋書畫，因為佢聽人講，只要參加得愈多，課外活動一欄嘅得分就愈高，容易啲獲學校取錄。
課外活動宜專不宜多
Mama請教過喇沙書院前副校長、資深教育工作者趙榮德，佢話間間中學嘅收生準則及計分比重都唔同，好難一概而論。所以家長第一步應該了解心儀學校嘅收生準則及計分比重，呢啲資料按教育局規定一定要公開，好容易攞到。
有啲學校最重視只係教育局學生「次第」，亦有學校以校內成績、面試表現佔分最重，但普遍學校對於學生嘅課外活動及獎項，評分都唔會佔好高。
不過，趙sir亦明白，做家長嘅當然係一分都不能失。佢建議小朋友與其周身刀無張利，不如專攻一兩項音樂或體育項目，期望玩到一啲成績出來，因為質比量更重要。如果小朋友專長正正就係學校最需要的人才，咁獲取錄嘅機會就自然大好多啦！
留言 (0)
