新聞類別
副刊
詳情#
【明報專訊】祖籍潮州嘅食物及衛生局長高永文,雖然公務繁忙,同時亦身兼香港潮州商會榮譽顧問,不時出席「架己冷」嘅活動,仲同傳媒講過佢鍾意食家鄉菜添。噚日高局長就去咗港九潮州公會中學講座同學生分享經驗,原來早喺2011年佢都去過同一間學校分享潮州文化嘅堅毅精神。
廣告
曾與學生分享潮州堅毅精神
校方噚日仲送咗張由一個中二男學生用鉛筆素描嘅高永文肖像畀佢,Emily睇過幅畫,都真係畫得幾似高局長㗎,上面印有「杏花飄香」同「蔚然成林」。
高永文出席完講座之後同傳媒會面,不過期間就發生咗段小插曲。高永文答問題途中,學校鐘聲就突然響起,令佢中斷發言接近10秒,重新答問題之前,佢仲笑住問大家「佢仲會唔會再『鈴』㗎?」
留言 (0)