海洋公園聖誕溜冰匯演 高手編舞

【明報專訊】又到聖誕，海洋公園「聖誕全城HO HO HO」將會有花式溜冰匯演。匯演由世界級滑冰高手擔綱演出，施展空中高難度動作同溜冰特技，配合埋視覺效果，會令人好似置身萬花筒一樣咁七彩斑斕。


負責編舞嘅Sarah Kawahara都唔嘢小，係2002年冬季奧運會開幕及閉幕式滑冰舞蹈設計師兼艾美獎得主，下個月12號開始喺「怡慶坊」有得睇喇。


另外，海濱樂園廣場仲會有全港最高、70呎嘅室外聖誕樹，每晚都會有亮燈儀式，仲有合唱團現場演唱聖誕歌曲；遊客仲可以去充滿聖誕裝飾嘅聖誕老人屋，同聖誕老人合照，感受節日氣氛。