中創老闆與趙薇《還珠》結緣

【明報專訊】從事內地節目製作同活動籌辦生意嘅中國創意（8368），將係周三上市。佢地老闆楊劍，原來同內地著名演員，兼近年活躍香港股市嘅趙薇，老友鬼鬼。據講早於趙薇參演令佢一炮而紅嘅電視劇集《還珠格格》，楊、趙早已認識，兩人可謂識於微時。據講，因為趙薇原來同雲鋒基金創辦人虞峰好熟，所以一齊入股做基石投資者，各佔中國創意擴大後股本4.5%。趙薇仲唔止出錢，江湖傳聞話，佢仲會喺中國創意上市開幕儀式時出席撐場，為老友打氣咁話喎。


中國創意以每股0.27到0.39元配售3億股新股，集資介乎8100萬到1.17億元，主要用於擴增視頻種類、發掘額外及多元化收益來源以分享客戶的廣告利潤及建立節目錄製中心。


[小琴密語]