反佔中專頁惡搞 區選日變驅魔日

【明報專訊】仲有X日就係你嘅大日子，仲係社區嘅大日子！政府呢期日日係電視電台賣廣告，呼籲選民聽日（11月22日）喺區議會選舉投票，但係政府嘅區選宣傳logo，就畀人二次創作惡搞，而facebook嘅「『保普選 反佔中』簽左名揮手區！」就喺個logo上面加咗「驅魔日」3個字，大罵泛民黨派，而有建制派政黨中人更將呢個logo相傳畀友好，等大家可以喺fb轉貼。


當然，唔同黨派都會用不同理由呼籲選民投票，好似民主黨無叫人驅魔，但就喺fb話，「看着建制勢力依舊保皇，當權者依舊張狂，荒謬、無力、失落充斥我城……現在，選擇就在您手，您的一票十分重要！」至於民建聯就設區選網站，開宗明義講明，「經過紛擾的一年，您或許已厭倦了嘈吵，希望回歸正常生活」，呼籲選民支持做實事嘅民建聯。