市民去漁灣 高歌「賀」樹根落選

【明報專訊】區選曲終人散，其中最令人意外嘅戰果係扎根東區漁灣選區廿幾年、尋求第五度連任嘅民建聯鍾樹根，以近200票之差輸畀「傘兵」徐子見。有網民得悉消息後，立即設立「全港市民熱烈慶祝treegun落選委員會」專頁，並喺噚晚8點到位於柴灣漁灣邨嘅鍾樹根議員辦事處「慶祝」，有近百人響應。有人高唱徐小鳳歌曲《喜氣洋洋》，學民思潮成員黎洛汶亦有參與活動，警方則在場戒備。


面對落選，鍾樹根噚日回應話感到失望，認為落敗原因在於支持對手嘅「首投族」喺舊年雨傘運動後發揮到一定作用，認為有需要總結經驗，回應新生代嘅訴求。


（蘇智鑫攝）