新聞類別
財經
詳情#
【明報專訊】唔需要政黨積極爭取，渣打銀行今個星期會喺天水圍推出全港首家流動分行。如果大家唔知道係咩，可以想像下流動圖書館，不過架車由借書變咗做借錢（或者其他銀行服務）。據了解流動分行由星期一到星期五，每日會去一個公共屋邨，即暫時會服務5個地點。
作為幕後推手，金管局總裁陳德霖噚日都寫咗篇文，話香港作為國際金融中心，銀行應該「梗有一間喺左近」，但佢發現一啲偏遠地區或者喺缺少銀行設施嘅公共屋邨，仲有改善的空間，故希望銀行喺考慮人手同成本時，唔好忘記「以客為本」嘅精神。
可能有唔少朋友覺得香港周圍都係銀行，流動分行實在無必要。但其實好多銀行都堆晒喺旺區或大商場，有啲仲只做高端客戶，好多屋邨就如陳總所講，缺乏銀行設施，好似小琴住緊嗰個舊區，明明覆蓋咗兩個區議會選區咁大，但都只得一間銀行同三部櫃員機，所以希望啲銀行都真係照顧下基層需要。
email: [email protected]
[小琴密語]
作為幕後推手，金管局總裁陳德霖噚日都寫咗篇文，話香港作為國際金融中心，銀行應該「梗有一間喺左近」，但佢發現一啲偏遠地區或者喺缺少銀行設施嘅公共屋邨，仲有改善的空間，故希望銀行喺考慮人手同成本時，唔好忘記「以客為本」嘅精神。
可能有唔少朋友覺得香港周圍都係銀行，流動分行實在無必要。但其實好多銀行都堆晒喺旺區或大商場，有啲仲只做高端客戶，好多屋邨就如陳總所講，缺乏銀行設施，好似小琴住緊嗰個舊區，明明覆蓋咗兩個區議會選區咁大，但都只得一間銀行同三部櫃員機，所以希望啲銀行都真係照顧下基層需要。
email: [email protected]
[小琴密語]
留言 (0)
