被斬石牆樹標語：點解仲選陳捷貴

【明報專訊】區議會選舉戰况好激烈，贏咗一方固然開心，但噚日喺西半山般咸道被斬嘅石牆樹位置，就有人貼上不滿戰果嘅英文標語，標語內容質問選民點解仲選陳捷貴出任中西區（大學）區議員，「I don't bloody understand why you still voted Stephen Chan（我真係唔明點解你仲要選陳捷貴）」。貼標語嘅人借追究陳捷貴被指無盡力保護古老嘅石牆樹，表達不滿佢當選。


陳﹕我贏咗就要接受結果

陳捷貴就話標語用字粗鄙﹕「畀意見我毋須用粗口，咁係唔應該。」佢話啲選民都替佢不值，「民主選舉要尊重結果，係我贏咗就要接受結果」，又話有選民讚佢做到嘢，所以選佢。陳嘅競爭對手係29歲嘅劉偉德，係傘兵一族，最終劉以300幾票之差，輸咗畀做咗多屆中西區議員嘅陳捷貴。