WWF送校服 籲黃錦星學減排「交功課」

【明報專訊】世界自然基金會（WWF）香港分會噚日趁環境局長黃錦星出發去法國巴黎，出席聯合國氣候變化大會前夕，派出一班代表到立法會示威區，向佢送上局長母校嘅校服一套，提醒局長喺大會放低官服，學習吓全球各地嘅減排工作，返港後向公眾交功課，制訂2020年後嘅減排目標。雖然局長無親自落去「接衫」，但派咗政治助理區詠芷（前右）代為接收。