UNICEF慈善跑籌1100萬

【明報專訊】近年香港人都鍾意參加唔同嘅跑步比賽，聯合國兒童基金香港委員會（UNICEF HK）噚日就係第十年喺迪士尼樂園舉辦慈善跑，有1.3萬名跑手響應，今年為「攜手為兒童．攜手抗愛滋」籌得逾1100萬元。而特首梁振英（CY）就擔任活動主禮嘉賓，40幾名工商領袖等噚日亦有現身，好似青年事務委員會主席劉鳴煒咁，都有落場跑埋一份。


至於UNICEF HK大使郭晶晶，原來唔止跳水叻，噚日佢仲同老公霍啟剛一齊參加「「3公里領袖挑戰賽」；嘉華集團亦出錢出力，除咗捐出200萬，旗下亦有逾250名員工參賽。


無落場跑嘅CY噚日喺facebook亦上載出席活動時相片，形容「健兒們一臉陽光氣息，充滿正能量，企業頭頭也來參加，身體力行，實踐企業社會責任」。