高錕畫卡聖誕送暖

【明報專訊】聖誕將至，「光纖之父」高錕名下嘅慈善基金將會舉行特別活動，將高教授3幅畫作，包括圖中嘅《森林之王》、《聖誕樹》同《暴雨中的風塔》，製成心意卡，市民只要捐出30元，就可以喺卡上填上色彩同寫低祝福，心意卡會由基金轉送畀同高教授一樣身患腦退化症嘅病人，為佢哋喺歡慶節日帶嚟一份暖意。


活動由12月3日起喺九龍塘又一城舉行，為期1個月，善款會用嚟幫助腦退化症病人同家屬，同埋提高大眾對病症嘅認識。