新聞類別
財經
詳情#
【明報專訊】近年幾乎銷聲匿迹嘅股評人黃偉康，自從離開咗靈獅證券之後都沉寂咗一排，直至前年自己搞咗間天瑪仕證券又好似冇咩聲氣，原來佢靜雞雞走咗去搞財經公關，仲將天瑪仕證券改咗名做安里財經傳訊。
做董事局成員 得閒睇吓盤數
小琴問佢係咪諗住大搞，但佢話搞PR公司係因為見部分上市公司客戶有呢個需要，加上成本低，又有熟悉PR嘅朋友幫手管理，先順勢搞埋，仲話自己唔係公司主席又或者CEO之類，只係董事局成員，平時多數都係畀同事自由發揮，自己就得閒睇吓盤數咁話。
記錯公司新名
見佢特登為PR公司改名，小琴仲以為佢想喺PR界大展拳腳，不過唔知係咪Andrew太少理PR工作，對改名一事似乎唔太清楚，仲同小琴講係改咗做「安里證券」至真。但翻查紀錄，天瑪仕國際證券有限公司的的確確改咗名做安里財經傳訊有限公司，可能Andrew呢排太多搞作，忙住搞收購資產管理公司嘅事唔記得咗啦！
email: [email protected]
[小琴密語]
做董事局成員 得閒睇吓盤數
小琴問佢係咪諗住大搞，但佢話搞PR公司係因為見部分上市公司客戶有呢個需要，加上成本低，又有熟悉PR嘅朋友幫手管理，先順勢搞埋，仲話自己唔係公司主席又或者CEO之類，只係董事局成員，平時多數都係畀同事自由發揮，自己就得閒睇吓盤數咁話。
記錯公司新名
見佢特登為PR公司改名，小琴仲以為佢想喺PR界大展拳腳，不過唔知係咪Andrew太少理PR工作，對改名一事似乎唔太清楚，仲同小琴講係改咗做「安里證券」至真。但翻查紀錄，天瑪仕國際證券有限公司的的確確改咗名做安里財經傳訊有限公司，可能Andrew呢排太多搞作，忙住搞收購資產管理公司嘅事唔記得咗啦！
email: [email protected]
[小琴密語]
留言 (0)
