新聞類別
財經
詳情#
【明報專訊】阿里巴巴近年積極涉足媒體，年中先向《第一財經》入股三成，早排外國傳媒又盛傳阿里巴巴收購《南華早報》。對於會唔會同樣投資傳媒，身為科網界巨擘嘅奇虎360創辦人齊向東噚日就話，媒體唔賺錢，奇虎360亦無閒錢投資，仲話其他科網公司收購媒體，「都是為了搞好關係吧，一投了錢，總寫得好！」
齊向東噚日畀面出席首屆香港國際創客節，同場仲有樂視控股（北京）副總裁暨亞太區執行總裁莫翠天出席，不過兩位接受媒體訪問嘅時段唔同，所以並無正面碰頭。內地手機商酷派（2369）本身同奇虎360合資搞間奇酷公司生產電話，但轉頭酷派又俾樂視入股，搞到當時大家有糾紛，不過齊向東噚日被問到，而家同樂視咩關係時，就話奇虎同樂視「沒問題」，答案爽快利落。至於奇虎360喺美國私有化既事，亦搞得七七八八，齊向東都話進展順利，而重返A股上市嘅計劃亦過程順暢。
[小琴密語]
齊向東噚日畀面出席首屆香港國際創客節，同場仲有樂視控股（北京）副總裁暨亞太區執行總裁莫翠天出席，不過兩位接受媒體訪問嘅時段唔同，所以並無正面碰頭。內地手機商酷派（2369）本身同奇虎360合資搞間奇酷公司生產電話，但轉頭酷派又俾樂視入股，搞到當時大家有糾紛，不過齊向東噚日被問到，而家同樂視咩關係時，就話奇虎同樂視「沒問題」，答案爽快利落。至於奇虎360喺美國私有化既事，亦搞得七七八八，齊向東都話進展順利，而重返A股上市嘅計劃亦過程順暢。
[小琴密語]
留言 (0)
